2022 жылғы 10 ақпан күні «Жас маман» жобасы аясында Нұр-Сұлтан қаласы «Сервис және туризм» колледжінің негізінде техникалық және кәсіптік білімді жаңғырту мақсатында «Landscape Garden» құзыреттілік орталығының салтанатты түрде ашылу рәсімі өтті.

«Landscape Garden» Құзыреттілік орталығының  ашылуы  «Жас маман» - техникалық және кәсіптік білімді жаңғырту жобасы аясында жүзеге асырылуда.

«Жас маман» жобасының мақсаты колледждердің материалдық базасын жаңарту және білікті мамандарды даярлаудың халықаралық тәжірибесін енгізу болып табылады.

Атаулы іс-шараға профильді министрлік өкілдерінен басқа қала әкімдігінің өкілдері, «TALAP» коммерциялық емес акционерлік қоғамының өкілдері, Нұр-Сұлтан қаласының  Білім басқармасының өкілдері, «Атамекен» ҰКП өкілдері, әлеуметтік серіктес кәсіпорындар, БАҚ өкілдері, қала колледждерінің директорлары, колледждің педагогикалық құрамы мен студенттер, ата-аналар қауымдастығының өкілдері  қатысты.  

Қазіргі таңда елдің бәсекеге қабілеттілігі сапалы білім жүйесімен, сонымен қатар, азаматтарының білім-білік деңгейімен анықталады. Бүгінде еліміздегі техникалық және кәсіптік білім беделін, тартымдылығын көтеру - басты назарда. Сондықтан білім беру саласы заман талабына сәйкес дамуы тиіс. Осы және басқа көкейтесті мәселелер аталған шараның өзегіне айналды.

Іс-шара барысында колледж директоры С. Қ. Басығараева нақты өндірістік үдеріске барынша жақындатылған, заманауи, инновациялық құралдармен жабдықталған «3 D», «Жабдықтар», «Флористика», «Ландшафтық дизайн» зертханаларының, «Компьютерлік технологиялар» сыныбының жұмыс барысымен таныстыра отырып, атаулы құзіреттілік орталығы еліміздің әлеуетін арттыратын сапалы кадрлар даярлауда үлкен рөл атқаратыны туралы айтты.

Әлеуметтік серіктес «Оазис Астана» флористикалық шеберханасының директоры И. Даренская студенттермен бірлесе отырып «Композиция құру» шеберлік сыныбын өткізіп, түрлі көзтартарлық гүлшоқтар жасалды.