Өзара қонақ сабақтары педагогикалық біліктілікті арттырудың “қонақ технологияларының” түрі болып саналады. Өзара қонақ сабағының мақсаты-педагогтардың кәсіби қарым-қатынасы және тәжірибе алмасуын кеңейту. Оқытушылардың арасында білім алмасу олардың әрқайсысының тиімділігін арттырады. Оқу орны өнімдірек және табысты болады. Тәжірибе алмасу аясында сервис және туризм колледжі мен кәсіптік – техникалық колледж оқытушылары өзара қонақ сабағын өткізді. Оқытушылар О. А. Федотова, А. Е. Алимова ІІ курс студенттерімен “ЛИН – үнемді өндіріс” тақырыбында, Г.Е. Байгабылова және Б.Б. Тәукебаева І курс студенттерімен “Тұшпара өндірісі аппараты” тақырыбында сабақтарын өткізді. Сабақтар жоғары интеллектуалды деңгейде өтті. Әр түрлі әдістермен студенттердің ізденушілік қызметін ынталандырып отырды. Өзара қонақ сабақтары екі колледждің оқытушыларының әдістемелік қызығушылығын оятты.
